വളരെയധികം പ്രേക്ഷക ശ്രദ്ധ നേടിയ ‘ കിലുക്കം കിലുകിലുക്കം ‘ എന്ന ചിത്രത്തിലൂടെ ബാലതാരമായി എത്തി സൂപ്പർ താരങ്ങളായ മമ്മൂട്ടി, മോഹന്‍ലാല്‍, രജനീകാന്ത് എന്നിവരുടെ ഉള്‍പ്പടെയുള്ള നിരവധി താരങ്ങളുടെ മുപ്പതോളം സിനിമകളില്‍ വളരെ ശ്രദ്ധേയമായ കഥാപാത്രങ്ങൾ അവതരിപ്പിച്ച ബാലതാരമായിരുന്നു ബേബി നയന്‍താര. രജനിയുടെ ‘ കുസേലന്‍ ‘ എന്ന സിനിയിലൂടെ തമിഴ് – തെലുങ്ക് ഭാഷകളിലും ബാല താരമായി അഭിനയിച്ചു. റഹ്മാന്‍്റെ ‘ മറുപടി ‘ യാണ് ഒടുവിലായി അഭിനയിച്ച ചിത്രം. തുടര്‍ന്ന് പഠനത്തിനായി അഭിനയം താല്‍ക്കാലികമായി നിര്‍ത്തിയ നയന്‍താര ചക്രവര്‍ത്തി തിരിച്ചു വരവിന് തയ്യാറെടുക്കുകയാണ്. ബേബി നയന്‍താരയായിട്ടല്ല. മിസ്സ്. നയന്‍താരാ ചക്രവര്‍ത്തിയായി നായികയാവാന്‍ .
Nayanthara-chakravarthy.144
Nayanthara-chakravarthy
നിലവിൽ ഇപ്പോൾ വലിയ ഓഫറുകള്‍ താരത്തെ തേടി എത്തി തുടങ്ങിയിരിക്കുകയാണ്. തമിഴ് – തെലുങ്ക് സിനിമാ ലോകത്ത് നിന്നും ഉടന്‍ തന്നെ താരം നായികയാവുന്ന സിനിമകളുടെ പ്രഖ്യാപനങ്ങള്‍ ഉണ്ടാകുമെന്ന് നയന്‍താര അറിയിച്ചു. ഏപ്രില്‍ 20 ന് തന്റെ പത്തൊമ്ബതാം ജന്മ ദിനം ആഘോഷിക്കാനിരിക്കവെയാണ് നയന്‍താര തിരിച്ചു വരവിന് തയ്യാറെടുക്കുന്ന വിവരം അറിയിച്ചത്. എറണാകുളം തേവര സാ ഹാര്‍ട്ട് കോളജില്‍ ബി ഏ മാസ്സ് കമ്മ്യൂണിക്കേഷന്‍ – ജേര്‍ണലിസം ഫസ്റ്റ് ഇയര്‍ വിദ്യാര്‍ഥിനിയാണിപ്പോള്‍ മിസ്സ് നയന്‍ താര ചക്രവര്‍ത്തി . സിനിമയില്‍ നായികയായി ശക്തമായ ഒരു തിരിച്ചു വരവിനുള്ള ഒരുക്കത്തിലാണ് ഈ അഭിനേത്രി. താരത്തിന്റെ ഏറ്റവും പുതിയ ചിത്രങ്ങളും നയന്‍താര പുറത്തു വിട്ടിട്ടുണ്ട്.
