മലയാളികൾക്ക് ഏറെ പ്രിയപ്പെട്ട താരകുടുംബം ആണ് ജയറാമിന്റെ. മിമിക്രിയിൽ നിന്നും സിനിമയിലേക്ക് എത്തിയ ജയറാം കുടുംബപ്രേക്ഷകരുടെ ഇഷ്ടനായകൻ ആയിരുന്നു. വന്ന വഴി ഒരിക്കലും മറക്കാത്ത താരം ഇപ്പോഴും പൊതു വേദികളിൽ മിമിക്രി അവതരിപ്പിച്ച് കയ്യടി നേടാറുണ്ട്. നീണ്ട നാളത്തെ പ്രണയത്തിന് ഒടുവിൽ ആയിരുന്നു മലയാള സിനിമയിലെ മുൻ നിര നായിക ആയിരുന്ന പാർവതിയെ ജയറാം വിവാഹം കഴിക്കുന്നത്. കുടുംബക്കാരുടെ എതിർപ്പ് അവഗണിച്ചായിരുന്നു ഇവരുടെ വിവാഹം.
ജയറാമിനെ വിവാഹം കഴിച്ചതിന് ശേഷം അഭിനയത്തിൽ നിന്നും വിട്ടു നിൽക്കുകയാണ് പാർവതി. മാതാപിതാക്കൾക്ക് പിന്നാലെ വളരെ ചെറുപ്പത്തിൽ തന്നെ അഭിനയമേഖലയിലേക്ക് ചുവട് വെച്ച താരം ആണ് ഇവരുടെ മകൻ കാളിദാസ് ജയറാം. ” കൊച്ചു കൊച്ചു സന്തോഷങ്ങൾ” എന്ന ചിത്രത്തിലൂടെ അച്ഛന് ഒപ്പം അഭിനയരംഗത്തെത്തിയ കാളിദാസ്, രണ്ടാമത്തെ ചിത്രം ആയ “എന്റെ വീട് അപ്പൂന്റേം”ലൂടെ മികച്ച ബാലതാരത്തിനുള്ള ദേശീയ പുരസ്‌കാരം വരെ കരസ്ഥമാക്കി.
ഇന്ന് നായകൻ ആയി മലയാളത്തിലും തമിഴിലും നിരവധി ചിത്രങ്ങൾ ചെയ്തിട്ടുള്ള കാളിദാസ് തെന്നിന്ത്യയിലെ തിരക്കേറിയ യുവനടൻ ആണ്. സമൂഹ മാധ്യമങ്ങളിൽ വളരെ സജീവമായിട്ടുള്ള താരപുത്രൻ തന്റെ വിശേഷങ്ങൾ എല്ലാം ആരാധകരുമായി പങ്കു വെക്കാറുണ്ട്. അച്ഛനെ പോലെ മിമിക്രിയിലും തന്റെ കഴിവ് തെളിയിച്ചിട്ടുള്ള താരം, ഒരു അവാർഡ് ദാന ചടങ്ങിൽ തമിഴ് താരങ്ങൾക്ക് മുന്നിൽ വെച്ച് മിമിക്രി അവതരിപ്പിച്ച വീഡിയോ സമൂഹ മാധ്യമങ്ങളിൽ വൈറൽ ആയിരുന്നു.
അടുത്തിടെ കാമുകിയെ ആരാധകർക്കായി കാളിദാസ് തന്നെ പരിചയപ്പെടുത്തിയിരുന്നു. ഗോസിപ്പുകൾക്ക് ഇടം കൊടുക്കാതെ കാളിദാസ് തന്നെ കാമുകിക്ക് ഒപ്പം ഉള്ള ചിത്രം പങ്കു വെക്കുകയായിരുന്നു. ഇരുവരും താരദമ്പതികൾ പോലെ ഒരു ഷോയിൽ പങ്കെടുക്കാൻ എത്തിയത് ഏറെ ചർച്ച ചെയ്യപ്പെട്ടിരുന്നു.സൗത്ത് ഇന്ത്യൻ ഫാഷൻ അവാർഡ് ചടങ്ങിൽ പങ്കെടുക്കാൻ എത്തിയപ്പോൾ ഉള്ള ചിത്രങ്ങൾ ആയിരുന്നു വൈറൽ ആയത്.
വിഷ്വൽ കമ്മ്യുണിക്കേഷനിൽ ബിരുദധാരിയായ തരുണി മോഡലിംഗിലൂടെ ആണ് തന്റെ കരിയർ ആരംഭിച്ചത്. ജയറാമിന്റെ കുടുംബചിത്രത്തിലും തരുണി പ്രത്യക്ഷപ്പെട്ടിരുന്നു. കാളിദാസന്റെ അമ്മയും നടിയും ആയ പാർവതി ഇത് എന്റെ മകളാണെന്ന് പറഞ്ഞതോടെയാണ് കുടുംബത്തിന്റെ പൂർണ പിന്തുണ താരപുത്രന് ഉണ്ടെന്ന് ആരാധകർക്ക് മനസ്സിലായത്. 2021ൽ മിസ് ഡിവ റണ്ണറപ്പ് ആയിരുന്നു തരുണി. കാളിദാസിന്റെ ഏറ്റവും അടുത്ത് സുഹൃത്തുക്കളെ ഒരാളായിരുന്നു തരുണി.
ഇപ്പോൾ ഇന്ന് തരുണിക്കൊപ്പം ഉള്ള താരത്തിന്റെ ഏറ്റവും പുതിയ ചിത്രമാണ് സമൂഹമാധ്യമങ്ങളിൽ വൈറലാകുന്നത്. പാർവതിയാണ് ഈ ചിത്രം പങ്കുവെച്ചത്. തരുണിയുടെ പിറന്നാൾ ദിനത്തിൽ ആശംസകൾ അറിയിച്ചു കൊണ്ടാണ് നടി ഈ ചിത്രം പങ്കുവെച്ചത്. കട്ടിലിൽ ഒരേ പുതപ്പിനുള്ളിൽ കാളിദാസും തരുണിയും ഒപ്പം പാർവതിയും ചക്കിയും കിടക്കുന്ന ഫോട്ടോ ആണ് പാർവതി പങ്കുവെച്ചത്. നിരവധി പേരാണ് തരുണിക്ക് പിറന്നാൾ ആശംസകളുമായി രംഗത്തെത്തിയത്. എന്നാണ് വിവാഹം എന്നും പലരും ചോദിക്കുന്നുണ്ട്. ചിത്രത്തിൽ നന്ദി പറഞ്ഞുകൊണ്ട് തരുണിയും രംഗത്തെത്തിയിരുന്നു.
