ആമസോൺ പ്രൈം വിഡിയോ ആദ്യമായി സിനിമ നിർമാണ രംഗത്തേക്ക്. ബോളിവുഡ് സൂപ്പര്‍ താരം അക്ഷയ് കുമാർ നായകനാകുന്ന പുതിയ ചിത്രം ‘രാം സേതു’ എന്ന സിനിമയാണ് ആമസോൺ പ്രൈം വീഡിയോയുടെ നിർമാണ സംരംഭമായെത്തുന്നത്. എന്തിരൻ 2വിന് ശേഷം അക്ഷയ് കുമാർ – ലൈക പ്രൊഡക്ഷൻസ് ഒന്നിച്ചെത്തുന്ന സിനിമ കൂടിയാണ് രാം സേതു.സിനിമയുടെ സഹനിർമാതാക്കളായാണ് ആമസോൺ പ്രൈം സഹകരിക്കുന്നത്. അഭിഷേക് ശർമ്മയാണ് സംവിധാനം ചെയ്യുന്നത്.
രാം സേതുവിൻറെ ചിത്രീകരണം ഈ മാസം 18ന് അയോധ്യയിൽ ആരംഭിക്കും. ചിത്രത്തിൽ ആർക്കിയോളജിറ്റിന്‍റെ വേഷത്തിലാണ് അക്ഷയ് കുമാർ എത്തുന്നത്. നുസ്രത്ത് ബറുച്ച, ജാക്വലിൻ ഫെർണാണ്ടസ് എന്നിവരാണ് സിനിമയിലെ മറ്റ് പ്രധാന താരങ്ങളായെത്തുന്നത്.
കേപ് ഓഫ് ഗുഡ് ഫിലിംസ്, അബുണ്ടാന്‍റിയ എന്‍റര്‍ടെയ്ൻമെന്‍റ്സ്, ലൈക പ്രൊഡക്ഷൻസ്, പ്രൈം വീഡിയോ എന്നിവര്‍ ചേര്‍ന്ന് നിർമ്മിക്കുന്ന ചിത്രം ആക്ഷൻ-അഡ്വഞ്ചർസിനിമയാണ്. അഭിഷേക് ശർമ സംവിധാനം ചെയ്ത് ഡോ. ചന്ദ്രപ്രകാശ് ദ്വിവേദി (പൃഥ്വിരാജ് ചൗഹാൻ) നിര്‍മ്മിക്കുന്ന ചിത്രം ഇന്ത്യയുടെ സാംസ്കാരികവും ചരിത്രപരവുമായ പൈതൃകത്തിൽ ആഴത്തിൽ വേരൂന്നിയ ഒരു കഥയാണ് പ്രമേയമാക്കിയിരിക്കുന്നത്.
