ഗായകനും നടനും തിരക്കഥാകൃത്തും സംവിധായകനും നിര്‍മ്മാതാവുമൊക്കെയായി സിനിമയുടെ വിവിധ മേഖലകളിൽ സജീവ സാന്നിധ്യമായ താരമാണ് വിനീത് ശ്രീനിവാസൻ. ഇൻസ്റ്റയിൽ സജീവമായ വിനീത് ഇടയ്ക്കിടയ്ക്ക് കുടുംബത്തോടൊപ്പമുള്ള ചിത്രങ്ങളും ഇൻസ്റ്റയിൽ പങ്കുവയ്ക്കാറുമുണ്ട്. ഇപ്പോഴിതാ ഭാര്യ ദിവ്യയുടെ പുതിയൊരു ചിത്രവുമായി എത്തിയിരിക്കുകയാണ് വിനീത്.
ഭാര്യയോടൊപ്പമുള്ളൊരു യാത്രയ്ക്കിടെ പകർത്തിയ ചിത്രമാണ് വിനീത് പങ്കുവെച്ചിരിക്കുന്നത്. ‘അവള്‍ മിക്കവാറും വായിക്കുന്നത് ഏതേലും സെയിൽ 30%ഓഫർ ബോർഡായിരിക്കും നോക്കുന്നത്, സിഗ്നൽ ചുവപ്പായിരുന്നു, അതുകൊണ്ട് ഞാനിത് ക്യാമറയിലാക്കി’ എന്നും ദിവ്യയുടെ ചിത്രത്തോടൊപ്പം വിനീത് ഇൻസ്റ്റയിൽ കുറിച്ചു .
View this post on Instagram
ഭാര്യയ്ക്കും മക്കളായ വിഹാനും ഷനയയ്ക്കും ഒപ്പം ഇടയ്ക്കിടെ ചിത്രങ്ങൾ പങ്കുവയ്ക്കാറുമുണ്ട് വിനീത്. അടുത്തിടെ അൽഫോൻസ് പുത്രൻ എഴുതി സംഗീതം ചെയ്ത കഥകൾ ചൊല്ലിടാം എന്ന മ്യൂസിക് ആൽബത്തിൽ വിനീതും കുടുംബവും അഭിനയിച്ചിരുന്നു. വിനീത് തന്നെയായിരുന്നു പാട്ട് പാടിയിരുന്നത്.അദ്ദേഹം സംവിധാനം ചെയ്യുന്ന പുതിയ ചിത്രമായ ‘ഹൃദയം’ റിലീസിനായി ഒരുങ്ങുകയുമാണ്.കൂടാതെ ദിവ്യ പാടിയ പാട്ടും അടുത്തിടെ സോഷ്യൽമീഡിയയിൽ വിനീത് പങ്കുവെച്ചിരുന്നു. 2012 ഒക്ടോബര്‍ 18നായിരുന്നു വിനീതും ദിവ്യയും വിവാഹിതരായത്.
